တၢ်အဲၣ်ဖိသၣ်သ့ၣ်တဖၣ်
သိၤမါဘနါဒိၢ် နုာ်လီၤမၤလိတၢ်လၢ လိဒိၣ်တၢ်ဆါဟံၣ် ဘၣ်ဃးဒီး ကသံၣ်ကသီ အကၠိလီၤႉ အတၢ်မံမီၢ်မ့ၢ်၀ဲ ဒ်သိးကလဲၤမၤတၢ်သးခုကစီၣ်ဘၣ်ဃးဒီ ကသံၣ်ကသီလၢတ့ှူးကီၢ်န့ၣ်လီၤႉ တယံာ်ဘၣ်ဒီး ဘနါဒိၢ်ထံၣ်ဒီး သ့ၣ်ညါ၀ဲလၢ တၢ်လိၣ်ဘၣ် အိၣ်၀ဲလၢအဟံၣ်မဲာ်ညါန့ၣ်လီၤႉ ဖိသၣ်လၢ အဟံၣ်အဃီတအိၣ်သ့ၣ်တဖၣ် အိၣ်၀ဲအါမးလၢ အဟံၣ်မဲာ်ညါ ကျဲကပၤလီၤႉ အဃိ အ၀ဲစံၣ်ညီၣ်တဲာ်၀ဲ လၢကမၤတၢ်တမံၤမံၤလၢ ဖိသၣ်သ့ၣ်တဖၣ်အဂီၢ်‚ ဒီး သူၣ်ထီၣ်၀ဲ ဟံၣ်သ့ၣ်တဖၣ် ဖဲ၀့ၢ်လိဒိၣ်အမုၢ်ထီၣ် ဒ်သိးဖိသၣ်လၢ အဘၣ်ကီဘၣ်ခဲ သ့ၣ်တဖၣ် ကအိၣ်၀ဲဆိး၀ဲအဂီၢ်လီၤႉ
ဘနါဒိၢ်မၤစၢၤ ဖိသၣ်လၢအဘၣ်ကီဘၣ်ခဲ သ့ၣ် တဖၣ် အိၣ်၀ဲဒၣ် အဂၤ ၆၀ယ၀၀၀ ညါလီၤႉ ဘနါဒိၢ်လၢအမ့ၢ် ပှၤသ့ယွၤဂ့ၢ်ပီညါဒီး တၢ်အိၣ်ဖှိၣ်သရၠာစးၣ်တဂၤ‚ စံး၀ဲ ‘‘မုၢ်တနံၤအံၤ ပ့ကၢးကိးလၢ ပှၤစီဆှံလၢအဆီၣ်ထွဲမၤစၢၤ ပှၤဖိသၣ်လၢ ကျဲဖီခိၣ်’’ လီၤႉ
ကစၢ်ခရၠာစးံာ် စံး၀ဲ ‘‘ပျဲဖိသၣ်န့ၣ်တက့ၢ်ႉ ဒီးသုတBတီ အဟဲဆူ ယအိၣ်တဂ့ၤ‚ အဂ့ၢ်ဒ်အံၤ မူခိၣ်အဘီဖိမုၢ်ဖိ မ့ၢ်ပှၤဒ်န့ၣ်အသိးလီၤ’’ (မး ၁၉း၁၄)…
မၤမူထီၣ်က့ၤ
ဒ်ပှၤသးစၢ်တဂၤအသိး‚ ယပါပၢ် လဲၤတၢ်ဒီး အတံၤသကိးတဖၣ် လၢတၢ်လိာ်ခိၣ်လိာ်ကွဲ လၢအလီၤဘၣ်လၢ၀့ၢ်အဂၤန့ၣ် မ့ၢ်လၢကျဲဘိၣ်ဘ@ဒီး တၢ်စူၤထံအဃိ သိလ့ၣ် လီၤတလံာ်ဒီး တၢ်ဘၣ်ဒိဘၣ်ထံးဒိၣ်၀ဲန့ၣ်လီၤႉ အ၀ဲအတံၤသကိးတဂၤန့ၣ် ဟူးဂဲၤတန့ၢ် လၢၤဘၣ်‚ မ့မ့ၢ်အဂၤတဂၤန့ၣ် သံ၀ဲဒၣ်လီၤႉ ယပါပၢ်စ့ၢ်ကီး ဘၣ်တၢ်စံး၀ဲလၢ အ၀ဲ သံလံ‚ အဃိ ဘၣ်တၢ်ဟဲက့ၤစိာ်အီၤဆူ ပှၤပာ်ပှၤသံအလီၢ်လီၤႉမိၢ်ပၢ်လၢ အဖုးဘၣ်သးဒီး အိၣ်ပှဲၤမးဒီး တၢ်သးဘၣ်ဒိခံဂၤ ဟဲဆူအအိၣ် ဒ်သိးကမၤဂၢၢ်ကျၢၤက့ၤ အ၀ဲမ့ၢ်မတၤ မတၤလဲၣ် န့ၣ်လီၤႉ ဘၣ်ဆၣ်‚ ယပါပၢ်ဂ့ၤထီၣ်က့ၤ၀ဲ မ့မ့ၢ် တခီ သးပ့ၤနီၣ်ဘၣ်အသးယိာ်ယိာ်ဧိၤလီၤႉ မိၢ်ပၢ်ခံဂၤ အတၢ်သးအုး ကဲထီၣ်က့ၤ တၢ်သးခုန့ၣ်လီၤႉ
ဖဲလံာ်အ့းဖ့းစူး အဆၢဒိၣ် ၂ န့ၣ်‚ ‘‘တၢ်မၢဖိ စီၤပီလူး ဟ့ၣ်ပလီၢ်ပှၤ လၢမ့ၢ်ပအိၣ်လီၤဖးဒီးခရၠာစးံာ်န့ၣ် ပမ့ၢ်ပှၤလၢ အသံတ့ၢ် လၢတၢ်သ့ှူးကမၣ်ဒီး တၢ်ဒဲးတူာ်ဒဲးဘး အပူၤလီၤ’’ (း၁) ဘၣ်ဆၣ် မ့ၢ်လၢယွၤအတၢ်အဲၣ်ဖးဒိၣ်လၢပဂီၢ်အဃိ‚ ‘‘ယွၤလၢ အသူၣ်ကညီၤ တၢ်ဒိၣ်သးကညီၤတၢ်အါန့ၣ်‚ ပှၤလၢအသံလၢ…
မ့ၣ်အူအဆံးဖိတခါ
ဖဲလါစဲးပထ့ဘၢၣ် မုၢ်နံၤဒိၣ်တနၤဒီး ဖဲပှၤအါဂၤ မံဘၣ်အသးအခါ မ့ၣ်အူ ဆံးကိာ်ဖိတခါအီၣ်ထီၣ်တၢ် ဖဲ သီမၢး ဖၣ်ရၠာစးံနၣ် အကိၣ်ကျးလၢအအိၣ်ဖဲ ဖါဒ့ လ့ ကျဲန့ၣ်လီၤႉ တယံာ်ဘၣ်‚ မ့ၣ်အူလၣ်ခီဃီၤဆူ ဟံၣ်တဖျၢၣ်၀ံၤ တဖျၢၣ် ဒီး၀့ၢ်လိဒိၣ်ဒီဖျၢၣ်မ့ၣ်အူခဲဘၢကွံာ်အီၤလီၤႉ ပကိးလၢ ၁၆၆၆ နံၣ် အမ့ၣ်အူ အီၣ်တၢ်ဖးဒိၣ်လီၤႉ ပှၤကညီ ၇၀‚၀၀၀ ဘျဲၣ်တဖၣ် ကဲထီၣ် ပှၤဟံၣ်တအိၣ်ဃီတအိၣ်တဖၣ်လီၤႉ မ့ၣ်အူ ဆံးကိာ်ဖိဒ်န့ၣ် ဒုးအိၣ်ထီၣ် တၢ်ဟးဂီၤဖးဒိၣ်န့ၣ်လီၤႉ
လံာ်စီဆှံ ဟ့ၣ်ပလီၢ်ပှၤ ဘၣ်ဃး မ့ၣ်အူလၣ်ဆံး ဘၣ်ဆၣ် မၤဟးဂီၤတၢ်သ့၀ဲအဂ့ၢ်လီၤႉ စီၤယၤကိာ် ပာ်လုၢ်ပာ်ပရၤတၢ်အိၣ်မူ ဒီးတၢ်ရၠာစး့လိာ်ဘၣ်ထွဲ တမ့ၢ်ဘၣ် တၢ်သူၣ်ထီၣ်ဘၣ်န့ၣ် ပထံၣ်လၢအတၢ်ကွဲး ‘‘ပ@ၤမ့ၢ် တၢ် အက့ၢ်အဂီၤ ဆံးကိာ်‚ ဒီးကတိၤသူၣ်ဂဲၤ တၢ်ဖးဒိၣ်လီၤႉ ကွၢ်ကွၢ် မ့ၣ်အူဆံးကိာ်မၤကဲထီၣ် သ့ၣ်မုၣ်အါအါကလဲာ် လီၤ’’ (ယၤကိာ် ၃း၅) ႉ
ဘၣ်ဆၣ် ပတၢ်ကတိၤတဖၣ် ကဲထီၣ်တၢ်လၢအသူၣ်ထီၣ်တၢ်သ့၀ဲ…
တၢ်တ့ခဲၣ် ပှၤကညီအဂီၤ
ထံကီၢ်တၢ်တ့န့ၢ် ပှၤကညီအဂီၤတၢ်သူၣ်ထီၣ် လၢ ၀့ၢ်လိဒိၣ်‚ ကီၢ်အဲကလံး န့ၣ် မ့ၢ်တၢ်သူၣ်ထီၣ်ဖးဒိၣ် ဖဲတၢ်ပာ်ဖှိၣ် ပာ်ကီၤဃာ် တၢ်ဂီၤခဲၣ်လုၢ်ဒိၣ်ပရၤဒိၣ်တဖၣ် လၢတၢ်တ့အီၤလၢနံၣ်ကယၤတဖၣ်အပူၤန့ၣ်လီၤႉ လၢအကျါ ပာ်ဃုာ်ဒီး ၀့စတၢၣ်ခၠၣ်ခံၠၣ် အဂီၤ ၁၆၆ ဘ့ၣ်‚ ၀့လ့ယၢၣ်ဒီးးစဖံယၤ အဂီၤ ၉၄ ဘ့ၣ်ဒီး ကၠီး၀ၢ်ဒီးၣ်တၢၣ် အဂီၤ အဘ့ၣ် ၂၀
န့ၣ်လီၤႉ ပှၤကညီၤအဂီၤ လၢပျၢၤလၢညါတဖၣ် ကဒုး ဆိကမိၣ် ပှၤသ့ၣ်သ့ၣ် မ့ၢ်ပှၤတဖၣ်အံၤ အိၣ်ဖျါ လီၤဂာ်နီၢ်နီၢ် ဒ်သိးအံၤကစီဒီဧါန့ၣ်လီၤႉ
အဒိ ပှၤစကီးတလၣ်ဖိလၢ အအဲၣ်အပှၤကလုာ် ၀့လယၢၣ်၀ီလ့း (ခရၠာစးံာ်နံၣ် ၁၂၇၀-၁၃၀၅) အဂီၤ အိၣ်၀ဲ (၈) ဘ့ၣ်‚ ဘၣ်ဆၣ် ပတအိၣ်ဒီး အတၢ်ဂီၤလၢ ပကထိၣ် သBတီၤကွၢ် တၢ်အဂီၢ်ဘၣ်ႉ မ့ၢ်ပှၤတ့ခဲၣ်တၢ်ဖိတဖၣ် တ့ဖျါ ၀ီလ့း အဂီၤ လီၤတံၢ်လီၤဆဲး ကစီဒီဧါန့ၣ် ယသ့ၣ်ညါကသ့ဒ်လဲၣ်ႉ
တၢ်လီၤဂာ်ဒီးကစၢ်ယ့ၣ်။းစ့ၢ်ကီး ကမ့ၢ်…
တၢ်ခွဲးတၢ်ယာ်အလၢအပှဲၤ
ဘၣ်တဘျီ ယသကိးတဂၤ ကွဲယၤလၢယကလဲၤကွၢ်ကီပှၤလိာ်ကွဲ ကီး (–ဂါက်) တၢ်ြပၢ တခါနှၣ်လီၤႉ မ့ၢ်လၢတၢ်အဆိကတၢၢ်တဘျီလၢ ယဂီၢ်အဃိ ယကဘၣ် မုၢ်လၢ် တၢ်မနုၤလဲၣ်ယတသ့ၣ်ညါဘၣ်ႉ ဖဲပလဲၤတုၤ‚ ယကမၢကမၣ် လၢ ယဒိးနှၢ်ဘၣ် တၢ်ဟ့ၣ်တဖၣ်‚ တၢ်ဂ့ၢ်တၢ်ကျိၤတဖၣ်‚ ဒီးတၢ်လိာ်ကွဲပျီ ဟီၣ်ခိၣ်ဂီၤ တဖၣ် နှၣ်လီၤႉ ဘၣ်ဆၣ်‚ တၢ်အဒိၣ်ကတၢၢ် တမံၤမ့ၢ်၀ဲ ပဒိးနှၢ်ဘၣ် တၢ်ဆ့ၣ်နီၤလီၤ‚ ဒီးအီၣ်ဘၣ် တၢ်အကလီဖဲဒဲ လၢသမှံၤလီၤဆီ တဖၣ်အဂီၢ် နှၣ်လီၤႉ လၢယတၢ် ယကစၢ် တၢ်ခွဲးတၢ်ယာ် ဒ်အံၤ ယတဒိးနှၢ်ဘၣ် နီတဘျီဘၣ်ႉ တၢ်အံၤမ့ၢ်၀ဲဒၣ်လိၤလိၤ လၢယသကိးတဂၤအံၤအဃိလီၤႉ မ့ၢ်လၢအီၤအဃိ‚ ယဒိးနှၢ်ဘၣ်တၢ်ခွဲးတၢ်ယာ် အလၢအပှဲၤ ဒ်အံၤနှၣ်လီၤႉ
မ့မ့ၢ်လၢပကစၢ်ဒၣ်ပ၀ဲ‚ ပကဘၣ်အိၣ်ယံၤ ဒီးယွၤနှၣ်လီၤႉ ဘၣ်ဆၣ်‚ ခရၠာစးံာ်စိာ်ထီၣ်ပတၢ်ဒဲးဘး‚ ဟ့ၣ်လီၤအသးသမူ‚ ဒီးဟ့ၣ်ပှၤတၢ်ခွဲးတၢ်ယာ် ဆူယွၤအအိၣ်လီၤႉ စီၤပီလူးကွဲး၀ဲ‚ ‘‘ဒ်သိး တၢ်အဒိၣ်အခိၣ် ဒီးတၢ်အစိအကမီၤ လၢမူခိၣ်အလီၢ်တဖၣ်နှၣ်‚ ကသ့ၣ်ညါထီၣ် ခဲကနံၣ်အံၤ ယွၤအတၢ်ကူၣ်သ့…
ထံၣ်တုၤဆူခဲမုၢ်ဆ့ၣ်
တဘျီလၢ်လၢ် ဖဲယကွၢ်ဃီၤတၢ်ဆူမူကပိာ်လိၤအခါ‚ တၢ်အံၤမ့ၢ်၀ဲ တၢ်လၢ အမၤမုာ် ယသး/ မူခိၣ်မ့ၢ်၀ဲယွၤအတၢ်ဘၣ်တ့ ဃံလၤ လၢအမၤမုာ် ပသးလီၤႉ ဆိကမိၣ်ကွၢ် ပှၤနီၣ်ကဘီယူၤဖိတဖၣ်အဂီၢ် တၢ်ထံၣ်လၢမူကပိာ်လိၤ တဖၣ် ကမုာ်၀ဲထဲလဲၣ်ႉ ဖဲအ၀ဲသ့ၣ်နီၣ်ကဘီယူၤအခါ ဒ်သိးကပာ်ဖျါထီၣ် မူခိၣ် အမဲာ်ဆှံဆှံ‚ စူးကါ၀ဲ တၢ်ကတိၤအမၠိမၠိ/ လၢ အကျါ‚ ‘‘တုၤဆူမုၢ်ဆ့ၣ်နထံၣ်သ့’’ နှၣ် မ့ၢ်၀ဲတၢ်ကတိၤ လၢအဘၣ်ယသးကတၢၢ်လီၤႉ
ပထံၣ်ဆိတၢ်ဆူခဲမုၢ်ဆ့ၣ် တသ့နီတဂၤဘၣ်ႉ တဘျီတခီၣ် ပထဲးဂံၢ်ထဲးဘါ လၢပကထံၣ်ထသ့ၣ်ညါ တနံၤအံၤတၢ်ကမၤသးထပှၤ မနုၤလဲၣ်နှၣ်လီၤႉ လံာ်စီဆှံ
စံးပှၤ‚ ‘‘တၢ်ကမၤအသးခဲဂီၤတနံၤနှၣ်‚ သုတသ့ၣ်ညါ ဘၣ်ႉ အဂ့ၢ်ဒ်အံၤ‚ သုသးသမူနှၣ်မ့ၢ်မနုၤ တမံၤလဲၣ်ႉ မ့ၢ်တၢ်ဘရၣ်လၢအအိၣ်ဖျါ တစိၢ်ဖိ‚ ထလၢအလီၢ်ခံနှၣ်ဒံကွံာ်၀ဲလီၤ’’ (ယၤ ၄း၁၄) ႉ
ဘၣ်ဆၣ်‚ ပသးဟးဂီၤအလီၢ်တအိၣ်လၢပထံၣ်တၢ်သ့ တုၤထဲအံၤအဃိ ဘၣ်ႉ ကစၢ်ယွၤလၢပနာ်အီၤအံၤ ထံၣ်သ့ၣ်ညါခဲမုၢ်ဆ့ၣ် ပမုၢ်နံၤတဖၣ်ခဲလၢာ်ခဲဆ့‚ ထသ့ၣ်ညါတၢ်လၢပလိၣ်ဘၣ် လၢပကကွၢ်ဆၢၣ်မဲာ်တၢ်ကဟဲမၤအသး ထပှၤတဖၣ် အဂီၢ်လီၤႉ အဃိ…
ယသ့ၣ်ညါတၢ်ခဲလၢာ်
ယဖိခွါဒီး ယဒဲၣ်မုၣ်ခံဂၤ ဒိးန့ၢ်ဘၣ် တၢ်ကဲထီၣ်သတူၢ်ကလာ်တမံၤလီၤႉ ယလံၤဖိတဂၤ ဒိးန့ၢ်ဘၣ် တၢ်ခုၣ်ဒီး အိၣ်တမုာ်အဃိ‚ လိၣ်ဘၣ်၀ဲလၢ တၢ်ကလဲၤဆှၢအီၤဆူ တၢ်ဆါဟံၣ်လီၤႉ ယဖိခွါဒီး ယဒဲၣ်မုၣ်ခံဂၤ မၢယၤလၢ ကလဲၤကိးက့ၤ အဖိခွါ နၣ်သၣ် လၢကၠိဒီး ဆှၢက့ၤအီၤဆူဟံၣ်လီၤႉ ယမါ မၤလ့ၤဒီးယၤ ပသးခုလၢ ပကလဲၤကိးဖိသၣ် ဒီးဆှၢက့ၤအီၤဆူဟံၣ်လီၤႉ
ဖဲ နၣ်သၣ် ဟဲနုာ်ဆူ သိလ့ၣ်အပူၤအကတီၢ် မၤလ့ၤ သံကွၢ်အီၤလၢ‚ ‘ပဟဲအိၣ်နၤလၢကၠိအဃိ မ့ၢ်နအိၣ်ဒီး တၢ်ကမၢကမၣ်တမံၤဧါႉ’ နၣ်သၣ်စံးဆၢ ‘ယတကမၢကမၣ် ဘၣ်ႉ’ အ၀ဲသံကွၢ်ကဒီး ‘ဘၣ်မနုၤအဃိ နတကမၢကမၣ် ဘၣ်လဲၣ်ႉ’ နၣ်သၣ် စံးဆၢက့ၤအီၤ ‘ယသ့ၣ်ညါတၢ်ခဲလၢာ် အဃိလီၤ’ႉ
ဖိသၣ်လၢ အသးအိၣ် ၅ နံၣ်တဂၤ စံး၀ဲလၢ အသ့ၣ်ညါတၢ်ခဲလၢာ်လီၤႉ ဘၣ်ဆၣ် ပ၀ဲလၢအသးပှၢ်န့ၢ်အီၤတဖၣ် ပသ့ၣ်ညါတၢ်ဂ့ၢ်န့ၣ် အါန့ၢ် ဒံးအီၤလီၤႉ ပ၀ဲသ့ၣ် ပသးအိၣ်သ့ၣ်ညါ တၢ်ကတိၤ‚ ‘ဘၣ်မနုၤအဃိလဲၣ်’‚ ‘ဆၢကတီၢ်ဆံးယံာ်လဲၣ်’‚…
အုၣ်ခီၣ်ကစၢ်လၢအိၣ်ထနံၣ်လါလီၤထူလီၤယိာ်
ကၠဲရၠာစးံလဲၤ ထီလ့ၤ သံ၀ဲဖဲ အသးအိၣ် ၁၁၆ နံၣ်‚ လၢ ၂၀၁၅ လါယူၤလံ‚ ဒ်ပှၤလၢအသးပှၢ်ကတၢၢ် လၢဟီၣ်ခိၣ်ချၢတဂၤအသိး/ ဖဲ ၁၉၉၅ နံၣ်န့ၣ် ၀့ၢ်ယ့ှူၤရၠာစးှလ့ၣ် မၤ၀ဲ နံၣ် ၃၀၀၀ တၢ်အိၣ်ဖျဲၣ်ဆၢက့ၤအမူး/ ၁၁၆ နံၣ်လၢပှၤကညီတဂၤအဂီၢ်‚ အနံၣ် ၃၀၀၀ လၢ၀့ၢ်တ၀့ၢ်အဂီၢ်‚ ဘၣ်ဆၣ် သ့ၣ်ထူၣ်တဖၣ်လၢ အသးပှၢ်နှၢ်ဒံး အ၀ဲသ့ၣ်အိၣ်၀ဲဒၣ်လီၤႉ သ့ၣ်ဆှိတမုၢ်လၢအအိၣ်လၢ ကီၢ်ကၤလံဖိနံယၤ ကစၢၢ်၀ါနှၣ် ဘၣ်တၢ်ဃုထံၣ်သ့ၣ်ညါပာ်ပနီၣ်ဃာ်အီၤ ဒ်အသး အိၣ်၀ဲ အနံၣ် ၄၈၀၀ / သ့ၣ်ထူၣ်အံၤ အသးပှၢ် နှၣ်ဒံး စီၤအၤ့ဘၤဟၣ် အနံၣ် ၈၀၀ /
ဖဲယူဒၤတၢ်ဘူၣ်တၢ်ဘါခိၣ်နၢ်တဖၣ် တၤ၀ဲ ကစၢ် # အတၢ်မ့ၢ်တၢ်အခါ‚ အ၀ဲစံးဆၢ၀ဲလၢ‚ ‘‘ယစံးဘၣ် တဲဘၣ်သုတီတီလိၤလိၤ စီၤအၤ့ဘၤဟၣ် တချုး အိၣ်ထီၣ် ဒံးဘၣ်နှၣ် ယမ့ၢ်ယဲလီၤ’’ (ယိၤ ၈း၅၈) ႉ…
တၢ်လုၢ်ဒိၣ်ပရၤဒိၣ်တခါလၢ ကဘၣ်ဟ့ၣ်နီၤဖးလီၤအီၤ
ဲ ၁၉၇၄ နံၣ်‚ လါမၢ့်ှှးအတီၢ်ပူၤန့ၣ် ပှၤတ့ှူးထူစံာ်ဖိတဖၣ် ခူၣ်၀ဲထံပူၤဒီးထံၣ်န့ၢ် တၢ်လီၤကမၢကမၣ်တခါလီၤႉ တ့ှူးကီၢ်ခၢၣ်သးဟီၣ်ခိၣ်ဃ့ထီအဖီလာ်န့ၣ် သုးမုၢ်သံၣ်ဘိအဂီၤ လၢဘၣ်တၢ်စိးပျၤအီၤ လၢကပံာ်ဂီၤလုးဒီး အနီၢ်အိၣ်ထဲသိး ပှၤကညီအဂီၤတဂၤအသိးတဖၣ်န့ၣ် အိၣ်ဘျၢလီၤလၢဟီၣ်ခိၣ်ဖီလာ် ဒီးဆၢကတီၢ် ကမ့ၢ်၀ဲဖဲ ချ ခႉန နံၣ်ကယၤသၢ အဘၢၣ်စၢၤန့ၣ်လီၤႉ အ၀ဲသ့ၣ်ထံၣ်န့ၢ်၀ဲ ပှၤသုးဖိအဂၤဃိးကထိ‚ ကသ့ၣ်ဒုးသုး အဒုတကယၤယဲၢ်ဆံ‚ ကသ့ၣ်လ့ၣ်အခိၣ် တကယၤသၢဆံ လၢအဘၣ်တၢ်ထုးအီၤ လၢကသ့ၣ်အဒုယဲၢ်ကယၤခံဆံ န့ၣ်လီၤႉ တၢ်ထံၣ်န့ၢ်သုးမုၢ်ဂီၤလုးအလီၢ်အံၤ ကဲထီၣ်၀ဲဒၣ် တၢ်လီၢ်မံၤဟူသၣ်ဖျါတဖၣ်အကျါတခါ လၢထံဂၤကီၢ်ဂၤ ပှၤတမှံၤလၢ တ့ှူးကီၢ်ဒီး ထုးန့ၢ်၀ဲဒၣ် ပှၤတမှံၤ တကကွဲၢ် အဘျဲၣ်တဖၣ်အသး ကိးနံၣ်ဒဲးလီၤႉ တၢ်လုၢ်ဒိၣ်ပရၤဒိၣ် လၢအလီၤလးအံၤ အိၣ်ခူသူၣ်လီၤဘျၢအသးလၢ နံၣ်လၢအကယၤဘၣ်ဆၣ်‚ ခဲအံၤ ဘၣ်တၢ်ဟ့ၣ်ခီ ဟ့ၣ်နီၤလီၤအီၤဆူ ဟီၣ်ခိၣ်ဒီဘ့ၣ်န့ၣ်လီၤႉ
စီၤပီလူးကွဲးပာ်ဖျါ၀ဲဒၣ် လၢပှၤပိာ်ခရၠာစးံာ်အခံသ့ၣ်တဖၣ် အိၣ်ဒီး တၢ်လုၢ်ဒိၣ်ပရၤဒိၣ် လၢအသးပူၤလၢကဘၣ်နီၤဟ့ၣ်၀ဲဆူ ပှၤဟီၣ်ခိၣ်ဖိအံၤန့ၣ်လီၤႉ ‘‘ခဲအံၤ ပအိၣ်ဒီးတၢ်ကပီၤ ကပီၤထီၣ်လၢပသးကံၢ်ပူၤဘၣ်ဆၣ် ပ၀ဲပလီၤဂာ်ဒီး ကပံာ်ဟီၣ်ခိၣ်သပၢၤ လၢအသ့ၣ်ဖးသ့၀ဲ…
ပတၢ်ဟ့ၣ် အထံးအခံ
ဖဲ ၂၀၁၀ နံၣ် လါအီကူး အပူၤ‚ ဟီၣ်ခိၣ်အံၤ ကွၢ်ထံ၀ဲ ဟီၣ်လာ်ပူၤကျိၤလၢ အအိၣ်ဘူး၀ဲဒီး ၀့ၢ်ခိၣ်ဖံယၤဖိ ‚ ကီၢ်ချံလံ န့ၣ်လီၤႉ ဟီၣ်လာ်ပူၤ အပှၤမၤတၢ်ဖိ ၃၃ ဂၤအံၤ အိၣ်ဒီး တၢ်ပျံၤတၢ်ဖုးလၢတၢ်ခံးကျါ‚ မ့ၢ်လၢအ၀ဲသ့ၣ်ဘၣ်အိၣ်က့တံာ်အသး ဖဲဟီၣ်ခိၣ်လာ် ယိာ်၀ဲ ၂၃၀၀ ပ့ၣ် အပူၤ န့ၣ်လီၤႉ အ၀ဲသ့ၣ် ကူၣ်ထီၣ်ဖးလီၤ၀ဲတသ့လၢ ကဒိးန့ၢ်ဘၣ် တၢ်မၤစၢၤဒ်လဲၣ်ဘၣ်ႉ ဖဲအ၀ဲသ့ၣ်ခိး၀ဲ တဆံနွံသီ ၀ံၤအလီၢ်ခံန့ၣ်ဒီး အ၀ဲသ့ၣ်နၢ်ဟူ ကဟၣ်နီၣ်ပျံာ်သီၣ်၀ဲ န့ၣ်လီၤႉ ပှၤအုၣ်က့ၤခီၣ်က့ၤတၢ်ဖိတဖၣ် မၤကဲထီၣ် တၢ်ပူၤဟိဆံးဆံးဖိတပူၤ ဖဲဟီၣ်လာ်ပူၤကျိၤအတဒိ လာ်ဒါ န့ၣ်လီၤႉ ဒီးမၤအါထီၣ်တၢ်ပူၤသၢပူၤ ဒ်သိး ကဆှၢနုာ်ထံ‚ တၢ်အီၣ်ဒီး ကသံၣ်ကသီတဖၣ် န့ၣ်လီၤႉ ပှၤမၤတၢ်ဖိတဖၣ် ဘၣ်ပာ်ဂံၢ်ပာ်ဘါအသးလၢ တၢ်ဟ့ၣ် လၢပှၤမၤစၢၤတၢ်ဖိတဖၣ် ဆှၢလီၤ၀ဲ ခီဖျိ ကျိၤကျဲအံၤ ဒ်အမ့ၢ် တၢ်လိၣ်ဘၣ်လၢအ၀ဲသ့ၣ် ကမူဒံး၀ဲအဂီၢ်န့ၣ်လီၤႉ ဖဲနံၤသီ ပှဲၤထီၣ်ဃုဆံခွံသီဒီး…